美心

美心真係一個好癲既集團，唔聲唔聲，嚇你一驚
當你行街時，不論食中，西，日，飲茶，飲咖啡，食餅，食壽司，都係袋梗錢入佢袋既！仲有提供各機構食堂亦有佢份。
唔好以為D餐廳無美心哩兩個字就唔關佢事

元氣，STARBUCKS，東海堂通通都係佢食左既，大商場較中高價餐廳SIMPLY LIFE，八月居，翠園等亦係佢既

雖然美心係無上市，但佢每年營業額高達53億、純利五億。員工數約12,000人

小朋友既時侯，個個都係覺得聖安娜好食D，對於美心既西餅，大家唔會有“嘩！有西餅食”食反應。十幾年後，芒果脆脆，天使旦糕，彈旦糕，一個又一個既名字已經係香港人既心中。

由此可証明，凡事要以隱陣為先，升得太快，自然跌得快。每件PRODUCT只要中中間間，靚靚地就OK架喇！

哩2年美心真係發展得好快，PRODUCT亦多左好多，好似上年既輕盈樂系列，有糙米芝士包（我返夜校時最愛），黑麥提子包等。今年仲有芝士蕃茄，同牛油粟米包，試過栗米包認為好出色

今日無意中行錯路見到，唔知荃灣哩間又係唔係第一間“MAXIM’S DELUX”！PRODUCT係有D唔同，有粟米薯草批，薯茸雞包，菠蘿奶皇包，DONUT，但西餅，旦糕同袋裝旦糕就一樣有得賣！最特別相信係佢既裝修同OPEN KITCHEN……新鮮焗好感覺不錯（今朝買菠蘿奶皇包依然暖的）。不過，有一個迷，曾經係SIMPLY BREAD見過既菠蘿油蟲蟲竟然係度出現！到底係咪又比美心食左，定係本身以前係美心架呢？


P.S. 今日睇過公司網站，開始有招聘SEARCH ENGINE，久唔久就去留意下。應該會係唔錯既公司！