香港藝術－紙紥

四圍亂行既時侯經過已收左既紙紥舖，出面貼左一堆紙紥品出黎。

非常有趣！有貴妃鷄，燕窩，PSD，

最出色既都係哩一樣－假牙！

真係夠晒體貼……哇哈哈！果然與時亦進！好！

曾經睇過一個香港電台節目－香港故事，係訪問關於紙紥既人，
見到佢自己一手一腳紥左一個有二樓咁高既公仔出黎真係呆左！
仲有，就係係果個節目之後，我先知原來果D龍虎獅頭同新年大頭佛係紥出黎！

差不多完既時侯，店舖老闆個仔出鏡整左個魚旦粉，佢原來係大一讀設計，佢認為阿爸D野太老土，希望可以第時整D新既野比人。節目仲影過幾間紙紥舖，其中有一間有狗賣！

只可惜而家好多紙紥都已經係返大陸廠整架喇！而且愈黎愈多人講環保，已經愈黎愈少生意

我真係好怕一D好既野會無左！一D咁有創意既PRODUCT同技術到底可唔可以留得住呢？
今日，我忽然諗起其實我地

可以將哩D紙紮賣去外國，尤其係萬聖節，相信可以行得通
嗯！聽日不仿買個IPOD返黎試試先！

同時亦會試下去哩個網頁試試聯絡，哇哈哈！希望成功啦！
http://kioskkiosk.com/c/95/HongKong