禮儀師の奏鳴曲（有劇情）

昨晚最終跟張先生看了禮儀師の奏鳴曲，其實早就說過會跟他看先！不過跟他冷戰期間又殺出了林小姐之約～所以就應承了她及HAN待去完日本回來１起看，飛起了他!!誰不知，冷戰很快就結束了！本來張先生知道後是讓步了，說看其他戲，說不想我同１套戲看２次。雖然２次都免費的～哈！但最後此人說他還是想看禮儀師！well...OK!那就陪你看吧!(我人還真隨和，是嘛？lol）

好..說回電影，真的感動！很久沒有因看電影而哭了,哭了3次！其實為什麼這麼感動呢？原因1是因為勾起了我對已故親人的思念,我看著男主角為死者納棺,我想起了那時希望她只是睡著了的嫲嫲..我想起了她在病床上我摸她額頭的畫面...還有讓我反思，要對還在自己身邊的人之珍惜！我是個很怕死的人～覺得死亡很可怕！但今天我看著電影我在想...如果人都是終有1天會死! 死的可以是我先ma?我想面對至親死去的痛..實在會比死更難受! 我害怕我會像戲中澡堂大嬸的兒子般..媽媽死了才對他說對不起!太遲了...什麼都太遲了! 因為什麼都不可以再做了....即使你多後悔,你也沒有多1次機會去待她好了~!然後是男主角的爸爸死了...即使男主角多恨他把自己掉下,但此終他是他的爸爸...也會原諒他...

當然戲中也告訴大家"這種賺死人錢的工作"絕不是羞恥及污穢的工作，我不知道香港有沒有納棺這回事，喪事的過程是怎樣！但在戲中看到了他們的專業替死者作最後一程，絕對是很值得尊重！

p.s
我想我不想看第2次了..我不想再哭啊!T_T 太令人心痛了..
SO,林小姐及張小姐你們可以隨時拿著免費戲費去看此戲了!
快點看吧!真的值得看..!!!

He's Juz Not that Into You

watched He's Juz Not that Into You wif HAN~not bad..but expect better..可能是片中幾段關係..好像只有過程..沒有帶出1致的觀點?or messeng?& 唔知y個戲名叫He's Juz Not that Into You?又好似同套戲冇咩關係!中文名就更加差啦唔該...收錯左咩風呢???ha又或者..真的遇上不同的人就會有著不同的愛情.. (p.s我唔知咩事有d字bold左唔可以還原-_-")

愛情是沒有1致的定律!因為真的凡事有例外!

i dunno who type this..juz copy..but幾有意思!

沒有不適合談戀愛的人也沒有不肯付出不願意改變的人...只有他是不是真的這麼 into u...戀愛只會越談越清醒越現實 但是我們總是在不段催眠自已~不肯面對現實! 與其花時間替他的理由找藉口 不如快點認清事實=She's/He's Juz Not that Into You!!愛情裡有太多盲點，聰明的人一點就通..其實 答案真的就在自己心裡...

不斷游移在愛情的「定律」與「例外」間....但誰能確定你的例外不會是你的愛情定律? 所有原因都只是不夠愛的藉口..不是天時不是地理問題，只是She's/He's Juz Not that Into YOu~沒甚麼大不了，就是不夠：不夠動力去付出，不夠力量去挽回，只是不夠愛而已!

救人七命(含內容)

星期六去了看救人七命~覺得很不錯啊!感人而且很有意思的1套電影!內容講述就係...copy from yahoo(因為懶得打,而且人地打得清楚d啦!XD)

賓湯馬斯(韋史密夫 飾)事業有成，婚姻幸福，美滿的人生似乎並無所缺，但一次奪去七條性命的嚴重交通意外(因為佢揸車掛住睇電話既MSG)令他的命運徹底改變，意外中他痛失摯愛(his wife)，揮之不去的悔疚感使他意志消 沉，生無可戀的感覺更令他打算了結餘生，然而絕望沮喪的他卻決定挑選七個陌生人，透過幫助他們改變厄運來為自己贖罪。

七個名字，七個各不相干的陌生人，唯一的共通點是他們都正處於人生中刻不容緩的境況，賓精心步署並實行他的救贖計劃，一切似乎在他掌握之中，但愛情的來臨永遠都是出乎意料之外，他萬萬想不到在人生最後的贖罪之旅中，竟遇上生命的曙光……

患有嚴重心臟病的艾美莉(羅莎莉奧當遜 飾)，本身只是賓的救贖名單上的其中一個陌生人，但她的出現卻重燃了賓絕望的人生，令他再次感受到生命中的愛與希望。

感人的地方就是Will Smith與Rosario Dawson之間的愛情!((她有點面善(化妝後)不知拍過什麼戲?因整套戲中她應該是素顏or病人look!d close up其實有點嚇人)) 她從will smith選中要幫助的陌生人中變成了他愛的人! 因她有心臟病..再不換1個新的心就很快會死!! will smith知道她生存的機會只有3-5%後,就立即回到租住的房間自殺(而戲中他自殺的方法亦非常特別)..他死後就把自己的心臟捐了給她..她的生命得以延續下去!可是愛人死了..而自己得到了他的心繼續生存下去,會快樂?還是更加痛苦?

will smith 在死前亦捐了不同的器官給救贖名單中的其他人..有肺葉,腎,骨髓,肝,眼角膜(死後)..我覺得有人可以將自己的器官捐給有需要的人,當中需要有很大的愛及勇氣才可以做到!雖然片中will smith咁做是為了車禍中的7名死者而贖罪..而且他生冇可戀!但此片想帶出的可能是,在世界中真的有很多不幸的人..他們可能因為身體,金錢,環境各種不同的因素,令他們的人生有著各種不同的問題...但如果你人生是比這些人幸福的..其實只要你有幫助別人的能力也可以嘗試去幫助他們!

我就在想..如果1個人死了就只是拿去燒成灰or埋在泥土中由他腐爛..那倒不如將自己的1些器官留在人間...不是很好ma? 你死了...但你的心在另1個人的身體內繼續每天在跳!就在自己要死前的1刻想著自己還未完全死去啊...我仲死剩個心,死剩對眼...那感覺不是很奇妙ma? 就想將要進入漆黑的地方還有1點曙光...亦給了別人繼續活下去的希望!

感觸

終於係哩個假期租左哩套＜＜性工作者2＞＞
個人認為真係唔錯，從導演既鏡頭之下拍出左社會上見唔到既一群
曾經，自己年少無知，只係覺得妓女係為賺快錢，墮落而去做哩一種出賣自己既工作
自從睇過一個關於鳳姐既電視節目之後，開始對佢地有D明白同諒解。
生活逼人，有D事唔到我地選擇，就只有被命運選擇
節目中最深刻既係講警察絕對唔會幫佢地，而且仲係非常歧視佢地

所以佢地就算係遇到一D變態既客，亦唔會有人幫佢地，
明明係被害，反過黎真係會比人話：
“你預左架啦！自已做埋哩D野”

嗯！講返哩套戲，拍攝手法亦算輕鬆。
大概圍住四個人唔同既生活，講一眾人對香港同大陸既事同睇法
而成套戲都係以現實既手法，就好似係一套真實左D既星期二檔案咁啦！
如果鍾意哩類型題材既人，就會係唔錯既選擇！

最感觸反而係攝影師選擇放低鏡頭既一幕。
最後佢決定左登主角笑既相，而亦無透露到主角打開多年黎心結既秘密黎嘩眾取寵！
感觸既原因係來自多年前睇過以下哩一篇文章！
個人認為“絕不感人，而係心寒，亦充滿反思”
亦係因為咁，哩幾年自己一直對攝影有種矛盾唔想去接觸

“我只有8歲”（相信唔少朋友都睇過）

http://csyying.spaces.live.com/blog/cns!F00657A353574194!582.entry#trackback

嗯！不過最近我明白到一個好既攝影師，係可以影出世界上所有事情美好既一面既！
所以，我會努力！

LET IT GO？？

尋日終於去睇左BRAD PITT喇！
個人認為老果段拍得偏長，但整套戲題材新鮮，製作非常認真。
其實就只係單單睇佢係唔同場戲既場景，怖致安排化粧都已經夠喇！

嗯！套戲其實想講每個人都會有唔同既人生唔同既生活，技能？活著都有佢既義意
咁到底上天比主角活多左咁年又係為左咩呢？最尾講出有人為跳舞，出海，為D鈕，游水
其實我真係有好多問號？

假若我地真係將人生既頭十幾年同尾十幾年身體調轉，到底人生會有咩唔同呢？
我成日都覺得人生頭十幾年同尾十幾年都唔知係度做梗咩？
細個既時侯坐係度諗自已幾時先大個，
老左既時侯可能亦係坐係度等日子過，可能諗下到底會幾時離開呢？
不過，假如細個既時侯變左BB死都幾好，至少唔需要受病既折磨，亦可以將所有野都忘記得一乾二淨，無知咁離開，最少一定唔會覺得痛苦。

有人話覺得女主角令佢好感動，不過我就覺得成套戲最偉大係佢既黑人媽媽
當第一幕主角親生爸爸見到BB個樣既時侯，果一個驚嚇既表面真係令人覺得不安同心寒。
我都問自已如果係我既話，會唔會有勇氣去面對一D咁既“CREATURE”
當我見到“BEN BABY” 我自問可能都做唔到。
但一個非親非故既人，可以無條件咁照顧佢！
真係因為自已無仔女咩？相信唔會丫！
哩一刻，又突然諗起果D收養有問題既小朋友，動物既永遠都只會係外國人！
唔通我地中國人天生就已經係“現實”民族？？？？正如“恭喜”永遠離唔開“發財”

成套戲，相信每個人最鍾意既都係佢地年紀，身體相若既時侯
而我自己當然都係咁諗！但唔知係咪個人現實左，不停諗愛真係只在乎果一刻嗎？
現實中，我地有幾多人真係可以經歷到真正既考驗呢？
見住自已身邊最愛最愛既人慢慢離開係一件好痛苦既事
同時無得同一個自已最愛既人一齊亦係好痛苦。
咁，到底幾時，或者係邊一刻我地真係可以做到對任何事都“LET IT GO”既心態？

哩套戲係A BEAUTIFUL MIND 導演拍既
多謝佢再一次為哩個世界宣揚真摯而持之而行既愛
PS哩張海報真係好好！希望大家都會珍惜一切有緣份認識同愛既人！
係人生真正要得到感動同愛既感覺，可能一世都未試到！

2009 -零零狗

尋日同左一家人睇左- 零零狗
成套戲既笑位其實又唔算好多，
不過如果你有養狗既
睇到某些橋段真係會會心微笑，
因為都會幾有共鳴!
故事其實有D似 TRUE MAN SHOW 既動畫狗仔版！
分別就係有講人同狗之間既感情
相信每個養狗人都明白同狗既感情永遠都係咁真
就連一向話好憎屋企隻狗既阿爸睇到哩套戲都係度笑
佢仲介紹D朋友同佢個女睇，哈哈！
（平時既佢絕對係入到戲院會訓著果種）

今日去左伯娘屋企拜年，見到佢3隻狗，
一隻好老喇，又聾又縮晒水,
一隻對腳又開始有問題
真係好感觸T_T

崖上的波兒

波兒~波兒~波兒~ 肚子脤卜卜!! HAA 相信波兒E首歌E排真係冇人唔識!(我亦好有童真地將E首歌成為電話鈴聲) 星期六我都去左睇波兒啦!!!
而家只要係戲院買2張戲飛就可以得到波兒吹氣公仔1個!! 果日同張生去睇其實我地係上網買飛gei..所以理應係冇e個公仔gei! 不過有人用佢既演技呃到售票員既同情心..於是我都帶左波兒返屋企啦!!!哈哈...

講返套戲就係..非 常 之 純 真 ! 講述波兒同宗介之間既1份超純真之友誼(or愛情!?) 同埋少少關於海洋環保..請不要期待有天空之城 or 千與千尋般的美工畫面及劇情...總之整套戲都用最簡單最平常的心去看就好了! 然後我睇完係覺得e套戲最成功就在於首主題曲,因為真係易記又易上口又得意..我相信好多人都好似我咁比首歌同埋波兒吸引左去睇ga lah,rite?..haa

btw,,我想講而家d小朋友仲有咁純真ma?? 5歲既小朋友可能已經咩都識ga lah..好多我地以前1x歲先知既野佢地都知ga lah! 好似某1個晚上係soho區dinner,,坐係隔離果位死o靚妹話間野d牛扒唔好食,,佢要食扒王之王(下???! 唔通扒王之王廣告果句slogan?咩"小朋友都鐘意食既扒"?sth like this啦..真係咁深入童心?)佢講E句野時我覺得冇野ya~只係諗,小妹妹你真係唔識食啦!哈....不過之後聽到d更驚既野就係..佢話佢下次要食白松露,要食最貴既白松露ar!又要食鮑魚...ect..聽到真係呆左lw...咩事呢究竟佢?佢志願係做米芝蓮既食評家ma?然後佢去tolite係度叫叫叫,又唔開門比佢ar媽又係入面叫!!有趣在佢ar媽冇野wor!仲係度笑笑口?? 係咪痴左線...比我真係大巴大巴車埋去!! 可能而家d ar爸ar媽太縱佢地d仔女啦! 於是教左1隻隻怪獸出黎!!好可怕....

WAKAKA!!!!!高登班人真係癲的!!!!
成龍霸王CROSSOVER波兒!
好爆!笑死我了!!!XDDDD